“حبي نفسك وهتفضلي صوت مصر”.. نجوم الفن يدعمون شيرين عبدالوهاب

وكتبت المطربة مروة ناجي، عبر حسابها بموقع “تويتر”: “الجمهور المفروض لو لقى شيرين تعبانة يساندها ويقف جنبها مش يتريق عليها، شيرين دي اللي بصوتها وإحساسها فرحت كل بيت وواضح جدا إنها بتمر بتجربة صعبة، وهي دلوقتي محتاجة دعم كل الناس اللى بتحبها ونقولها بنحبك وبنموت فيكي وانتي مازلتي وهتفضلي صوت مصر ومهما حصل هتفضلي بردو”.

وائل عبد العزيز

ونشر وائل صورة شيرين، عبر حسابه الرسمي بموقع “إنستجرام”، وعلق :” متزعليش يا ست البنات ارجعي ونوري واشتغلي لجمهورك كله بيعدي الفرح بيعدي والحزن بيعدي وانتي واحشتينا، ربنا عوضه كبير”.

ريهام سعيد

ونشرت ريهام صورة شيرين، عبر حسابها الرسمي بموقع “إنستجرام”، وعلقت :” انتي عملتي كده لأن عندك أكتئاب أو هو عمل كده مش فارقه لإنه كان إمبارح و عدى خلاص و كل جرح بيخلينا أقوى اللي وصل لي قوتك كان ممكن تلبسي باروكة انتي طلعتي غنيتي و بره مصر و قدرتي تبتسمي حتى لو مش ابتسامة حقيقية و قدرتي تغني و قدرتي تواجهي العالم كله لإنك شيرين عبد الوهاب”.

وأضافت :” وانتي أكتر واحدة عارفه مين شرين عبد الوهاب عشان كده كنت دائما أدافع عنك سيدتي أحييكي على قوتك اللي هي كل جمالك وعلى فكرة شكلك برضوا زي القمر . بحبك”.

منة فضالي